ഇന്ത്യയുടെ അഭിമാന ചാന്ദ്ര ദൗത്യമായ ചാന്ദ്രയാൻ 3 വിജയകരമായി ചന്ദ്രനോട് കൂടുതൽ അടുത്തു. ചന്ദ്രയാൻ-3 ബഹിരാകാശ പേടകത്തിന്റെ അഞ്ചാമത്തേതും അവസാനത്തേതുമായ ഭൗമ ഭ്രമണപഥം വിജയകരമായി പൂർത്തിയാക്കിയതായി ഇന്ത്യൻ ബഹിരാകാശ ഗവേഷണ സംഘടന അറിയിച്ചു.
പേടകം 1,27,609 കിലോമീറ്റർ x 236 കിലോമീറ്റർ ഭ്രമണപഥത്തിലെത്തുമെന്ന് പ്രതീക്ഷിക്കുന്നതായി ഇന്ത്യൻ ബഹിരാകാശ ഗവേഷണ സംഘടന പറഞ്ഞു. കൂടുതൽ നിരീക്ഷണങ്ങൾക്ക് ശേഷം നേടിയ ഭ്രമണപഥം സ്ഥിരീകരിക്കും. ഇന്ത്യയുടെ മൂന്നാമത്തെ ചാന്ദ്ര ദൗത്യമായ ചന്ദ്രയാൻ-3 അതിന്റെ ലക്ഷ്യത്തിലേക്ക് സ്ഥിരമായ പുരോഗതി കൈവരിക്കുന്നു. ഈ യാത്രയിലെ അടുത്ത നിർണായക ഘട്ടമായ TLI, 2023 ഓഗസ്റ്റ് 1 ന് അർദ്ധരാത്രി 12 നും 1 AM IST നും ഇടയിലാണ് ഷെഡ്യൂൾ ചെയ്തിരിക്കുന്നത്. ഭൂമിയെ ഇനി ഒരു തവണ കൂടി ചുറ്റിയ ശേഷം പേടകം ചന്ദ്രന്റെ ഭ്രമണപഥത്തിലേക്ക് കുതിക്കും.