സംസ്ഥാനത്ത് പനി ബാധിതരുടെ എണ്ണം വർധിക്കുന്നു. ഇന്നലെ മാത്രം പനി ബാധിച്ച് ചികിത്സക്ക് എത്തിയത് 9,158 പേർ. ഡെങ്കിപ്പനി മൂലം 19 പേരാണ് ചികിത്സ തേടിയത്. നിലവിൽ മലപ്പുറം, തിരുവനന്തപുരം, എറണാകുളം ജില്ലകളിലാണ് ഏറ്റവും കൂടുതൽ പനി ബാധിതർ ഉള്ളത്. പകർച്ചപ്പനിയിൽ നിന്നും ജാഗ്രത വേണമെന്ന് ആരോഗ്യവകുപ്പ് നിർദേശം നൽകി. പകർച്ചപ്പനി വ്യാപിക്കുന്ന സാഹചര്യത്തിൽ സ്വയം ചികിത്സ നടത്തരുതെന്ന് നേരത്തെ നിർദേശം നൽകിയിരുന്നു. വരുന്ന 8 ആഴ്ചകളിൽ വെള്ളിയാഴ്ച സ്‌കൂളുകൾ, ശനിയാഴ്ച ഓഫീസുകൾ, ഞായറാഴ്ച വീടുകൾ എന്നിങ്ങനെ ഡ്രൈ ഡേ ആചരിക്കണമെന്ന് ആരോഗ്യ വകുപ്പ് ആവശ്യപ്പെട്ടിരുന്നു.
Yesterday alone, 9,158 people sought treatment due to fever