സംസ്ഥാനത്ത് ഒരാൾക്ക് കൂടി നിപ വൈറസ് സ്ഥിരീകരിച്ചു. ആശുപത്രിയിൽ നിരീക്ഷണത്തിലുള്ള 39 വയസുകാരനാണ് നിപ സ്ഥിരീകരിച്ചത്. കോഴിക്കോട് തന്നെയാണ് പുതിയ കേസ് റിപ്പോർട്ട് ചെയ്തിരിക്കുന്നത്. നിപ പോസിറ്റീവായ വ്യക്തികൾ മറ്റ് ചികിത്സകൾ തേടിയ സ്വകാര്യ ആശുപത്രിയിൽ ഇദ്ദേഹവും ചികിത്സ തേടിയിരുന്നു. ഇദ്ദേഹം നിരീക്ഷണത്തിലായിരുന്നു. നിലവിൽ സംസ്ഥാനത്ത് നിപ ബാധിച്ച് നാലുപേരാണ് ആശുപത്രിയിൽ ചികിത്സയിലുള്ളത്.
