സംസ്ഥാനത്തെ 5 ആശുപത്രികള്ക്ക് കൂടി നാഷണല് ക്വാളിറ്റി അഷ്വറന്സ് സ്റ്റാന്റേര്ഡ് അംഗീകാരം ലഭിച്ചതായി ആരോഗ്യ മന്ത്രി വീണാ ജോര്ജ് അറിയിച്ചു. കൊല്ലം മടത്തറ എഫ്.എച്ച്.സി 92% സ്കോറും, എറണാകുളം കോടനാട് എഫ്.എച്ച്.സി 86% സ്കോറും, കോട്ടയം വെല്ലൂര് എഫ്.എച്ച്.സി 92% സ്കോറും, പാലക്കാട് പൂക്കോട്ടുക്കാവ് എഫ്.എച്ച്.സി 93% സ്കോറും നേടിയാണ് പുതുതായി അംഗീകാരത്തിന് അർഹത നേടിയത്. മലപ്പുറം കോട്ടയ്ക്കല് എഫ്.എച്ച്.സി. 99% സ്കോര് നേടി പുന:അംഗീകാരം നേടിയതായും മന്ത്രി പറഞ്ഞു. ജില്ലാ ആശുപത്രികള്, 4 താലൂക്ക് ആശുപത്രികള്, 9 സാമൂഹികാരോഗ്യ കേന്ദ്രങ്ങള്, 39 അര്ബന് പ്രൈമറി ഹെല്ത്ത് സെന്റര്, 113 കുടുംബാരോഗ്യ കേന്ദ്രങ്ങള് എന്നിങ്ങനെയാണ് എന്.ക്യു.എ.എസ് അംഗീകാരം ഇതുവരെ നേടിയിട്ടുള്ളത്. എന്.ക്യു.എ.എസ് അംഗീകാരം ലഭിക്കുന്ന പി.എച്ച്.സി.കള്ക്ക് 2 ലക്ഷം രൂപ വീതം ലഭിക്കും. മറ്റ് ആശുപത്രികള്ക്ക് ഒരു കിടക്കയ്ക്ക് 10,000 രൂപ എന്ന നിലയിലും വാര്ഷിക ഇന്സെന്റീവ് ലഭിക്കും.
National quality recognition for 5 more hospitals in the state