എറണാകുളം ജനറൽ ആശുപത്രിയിലെ മുതിർന്ന ഡോക്ടറിനെതിരെ ലൈംഗികാതിക്രമ ആരോപണവുമായി വനിതാ ഡോക്ടർ നൽകിയ പരാതിയിൽ അന്വേഷണം നടത്താൻ ആരോഗ്യ മന്ത്രി വീണാ ജോര്ജ് ആരോഗ്യ വകുപ്പ് ഡയറക്ടര്ക്ക് നിര്ദ്ദേശം നല്കി. ആരോഗ്യ വകുപ്പ് വിജിലന്സ് വിഭാഗം അന്വേഷണം നടത്തും. സമൂഹമാധ്യമത്തില് വനിത ഡോക്ടര് ഇട്ട പോസ്റ്റ് ശ്രദ്ധയില്പ്പെട്ടതിനെ തുര്ന്നാണ് ആരോഗ്യമന്ത്രി വീണ ജോർജ് ഇടപെട്ടത്. 2019ൽ ഹൗസ് സർജൻസി ചെയ്യുന്ന സമയത്ത് സീനിയർ ഡോക്ടർ ബലമായി മുഖത്ത് ചുംബിച്ചതായി വനിതാ ഡോക്ടർ ഫേസ്ബുക്കിൽ കുറിച്ചിരുന്നു. ആരോഗ്യവകുപ്പ് ഡയറക്ടര്ക്കും ആശുപത്രി സൂപ്രണ്ടിനും ഇ മെയില് വഴി വനിതാ ഡോക്ടര് പരാതി നല്കി. പരാതി പരിശോധിച്ച ശേഷം പോലീസിന് കൈമാറുമെന്ന് ആശുപത്രി സൂപ്രണ്ട് പറഞ്ഞു. ആരോപണ വിധേയനായ ഡോക്ടര് ഇപ്പോഴും സര്വീസില് തുടരുന്നുണ്ടെന്നാണ് റിപ്പോര്ട്ട്. സംഭവം നടന്ന സമയത്ത് ചില സഹപ്രവര്ത്തകരോട് ഡോക്ടര് ഇതിനെക്കുറിച്ച് പറയുകയും എന്നാല് അന്ന് പരാതി നല്കിയിരുന്നില്ലെന്നുമാണ് വിവരം.
Health Minister's order to investigate sex allegations against female doctor